Abaqhubi beenqwelo-mafutha kwisithili sase-Amathole baziva bengcungcuthekiswa kuphulo i-Operation Shanela, emva kokuba befumene izohlwayo zamatyala ahlukeneyo endlela ukusuka ekuqhubeni izithuthi ngaphandle kweempepha-mvume zokuqhuba, ukuya ekuqhubeni izithuthi ezingekho lungelweni lokuhamba endleleni. Izohlwayo zendlela ezingamashumi amathathu anesithandathu ezixabisa iR28 500 zithe zakhutshwa ngexesha lokuvalwa kwendlela, ebigcinwe eAlice namhlanje.
Iphondo leMpuma Koloni lasabela kakuhle kwikhwelo likaMphathiswa uCele lokuba kuphunyezwe isicwangciso sesizwe esaziwa njenge-Operation Shanela, esijolise ekuthinteleni ulwaphulo-mthetho ngokwandisa izixhobo zokusebenza nokubeka iibhutsi ngaphezulu. NgoLwesine, umhla wokuqala kweyeSilimela ngowama-2023, ukhomishinala wePhondo laseMpuma Koloni, uLieutenant General Nomthetheleli Mene ukhokele amajoni akhe ahamba ngeenyawo epeyinta idolophu yase-Alice enxibe isidima esiluhlaza.
Isigaba sakusasa se-Operation Shanela siqale ngokuvalwa kwendlela eRing Road, nokwalandelwa kukujikeleza kudederhu lweevenkile.
Kukwajongwe neethaveni ukuqinisekisa ukuba ziyayithobela iEastern Cape Liquor Act, kunye nemithetho kamasipala.
ULt Gen Mene ethetha kumngcelele wamapolisa uthe, “Ngelo xesha sasisungula iOperation Sikhona kulo nyaka uphelileyo, ndathi abantu mababuve ubukho bamapolisa, into emnandi ngeOperation Shanela kukuba kuza kuvakala ubukho bamapolisa. kuzwelonke. Amapolisa amaninzi kuquka nabaphathi abaphezulu, baza kubonakala phantsi. Njengabaphathi, silindele ukuba le misebenzi ibe nenjongo, kwaye ijolise kwiindawo ezishushu”, wongeze watsho uLt Gen Mene.
Imibuzo: UWarrant Officer Majola Nkohli
082 779 7279
