Zizikolo samabanga aphakamileyo ezingamashumi amabini anesithandathu (26) zizonke kwiindawo ezahlukeneyo ezithathe inxaxheba kukhuphiswano, apho abafundi babonisa ngesihloko esithi “Ukhuseleko lweSikolo” njengenxalenye yemizamo yokukhuthaza umyalezo othi “Akukho lwaphulo-mthetho ezikolweni.”
Eli phulo liqinisa intsebenziswano phakathi kwezikolo kunye neNkonzo yamaPolisa aseMzantsi Afrika (SAPS) ekwakheni iindawo zokufunda ezikhuselekileyo.
Ukhuphiswano lwalukhokelwa ngobambele njengomphathi wamapolisa uNkumanda Colonel Simayile wesikhuluko samapolisa eKomani, kunye nabagwebi kunye nabadlali abavela kwiSebe loPhuhliso loLuntu, iSebe loKhuseleko loLuntu, iSebe leMfundo, uThintelo loLwaphulo-mthetho loMoya kunye nenkonzo yesipolisa gabalala.
Ukanti ekugqibeleni kwalentlangano iziphumo zidize ukuba kwisikhundla sesine (4) Umphathi weCandelo labacuphi beSithili: uKamvelihle Mtyhobile waseSixishe Senior Secondary School, eZibeleni
Isikhundla sesithathu (3) Umphathi weSithili seVispol: uSinesipho Mnyamana waseThozana Senior Secondary School, eGlen Grey
Isikhundla sesisibini (2) Usekela-Komishinala weSithili: uKhazimla Sam waseMaria Louw High School, eMlungisi kunye
Isikhundla sokukuqala (1( Umphathi weSithili seJunior: uSiphosethu Mbityana waseSt James High School, eCofimvaba
Ngexesha lokwamkelwa kwakhe, uSiphosethu Mbityana wavuma ubukho beNkosi ebomini bakhe waza wathembisa ukuba uza kwenza impembelelo entle ekunciphiseni ulwaphulo-mthetho kwizikolo ezikwindawo asebenza kuyo.
Imiyalezo yenkxaso ihanjiswe nguMphathi weSithili wezoKhuseleko loLuntu, uMnu Sikwebu, kunye noMnu. P Nkele waseSebe leMfundo, uKhuseleko lweSikolo abavakalise ukuzithemba ukuba amanyathelo obunkokeli bolutsha aza kuncedisa kwizikolo ezikhuselekileyo.
Egameni loMphathi weSithili, uColonel Mtatase ubulele bonke abachaphazelekayo, abaququzeleli, kunye nezikolo ezithathe inxaxheba ngokwenza lo msitho ube yimpumelelo.
