UMphambukeli waseMzantsi Afrika obehlala e-United States ugwetywe iminyaka engamakhulu amabini anamashumi amabini anesithandathu (226) ngokubulala abasetyhini ababini bomthonyama base-Alaska abalahleka ngo-2019.
UBrian Steven Smith oneminyaka engamashumi amahlanu anesithathu (53) ubudala, waseKomani eMpuma Koloni, ufumene iminyaka engamashumi alithoba nesithoba (99) ngokubulala uKathleen Jo Henry oneminyaka engamashumi amathathu (30) ubudala kunye noVeronica Abouchuk oneminyaka engamashumi amahlanu anesibini (52) ubudala e-Anchorage, kwesona sixeko sikhulu saseAlaska.
Ijaji iye yongeza minyaka engamashumi amabini anesibhozo (28) kwisigwebo esinxulumene nohlaselo ngokwesondo kunye nokuphazamisana nezityholo zobungqina.
Esinye isiganeko sokubulala sashicilelwa kwividiyo kwaye uSmith kamva wavuma xa wayebuzwa ngamapolisa ukuba ingaba uyiyo na indoda ekwividiyo apho wavela khona eyolahla umzimba wexhoba.
USmith wayesele engumhlali wase-US ngaphambi nje kokubulala kunye nokudlwenga uHenry kwihotele e-Anchorage ngoSeptemba ka-2019.
USmith ukwabekwe ityala lodubula noku bulala ngokungena njongo. Abasemagunyeni bathi ngexesha apho uSmith wayenika amapolisa umkhondo wexhoba apho amathambo exhoba afunyanwa ematyholweni emantla e-Anchorage apho amajoni aseAlaska afumana ukhakhayi, lelinye lamaxhoba elinenxeba lokudutyulwa ngoTshazimpuzi ka-2019.
USmith wachongwa ngentetho yakhe eqinileyo ebonakalisa ukuba yeyaseMzantsi Afrika kwividiyo efunyenwe kwikhadi lekhamera leyo yathi yanikwa amapolisa.
IJaji ithe omabini (2) la maxhoba aphathwa kakubi ngendlela engafanelekanga ukuba umntu angaphathwa ngayo, esithi loo nto yimibono emibi.
