UMphathiswa wezoThutho noKhuseleko loLuntu uXolile Nqatha uqaphela ngenkxalabo enkulu amazwi ajikeleza kumakhasi onxibelelwano oluntu
ethi uMphathiswa uvale isikhundla seeteksi zasePort St Johns.
UMphathiswa uNqatha ufuna ukuveza ukuba abakasivali isikhundla kodwa ubhalele iinkokeli zemibutho yeeteksi ebazisa ngeenjongo zakhe zokuthatha amanyathelo aqhelekileyo njengoko
enikwe amandla yiNational Land Transport Act No. 5 ka-2009
njengoko ilungisiwe.
Ukanti iinkokeli zeeteksi azikaphenduli kuMphathiswa
ngesizathu sokuba uMphathiswa engenakuwuvala isikhundla seeteksi zasePort St Johns.
Isigqibo sikaMphathiswa esikufutshane sisekelwe kwezi zinto zilandelayo:
• Ixesha lokukhetha ubunkokeli lombutho we-PSJ liphelile
kunyaka ophelileyo, kwaye isebe lingenelele ekudaleni
indawo efanelekileyo yokuba bakhethe ubunkokeli obutsha
, nto leyo engazange yenzeke ngenxa yokungavumelani kwabo.
• UMphathiswa wePhondo waya kwi-PSJ kunye namagosa esebe, zombini ezoThutho kunye noKhuseleko loLuntu, uSodolophu, ooKhansila be-PSJ kunye noBunkokeli bePhondo beBorder Alliance, ukuze babize intlanganiso yokukhetha yesakhiwo sexeshana, kwaye oku kwawa phambi kwakhe.
• UMphathiswa wePhondo uNqatha ulandele onke amanyathelo ukuze azalisekise uxanduva lwakhe ngokweCandelo 91(1) loMthetho weSizwe wezoThutho woMhlaba uNombolo 5 ka-2009 ngalo mba.
• Emva koko, uMphathiswa wePhondo wafumana izikhalazo ezivela kwabanye abaqhubi beeteksi malunga nokuba bathintelwe ekusebenzeni kwaye abanye abantu abaziwayo bafuna imali engama-R50 000 ukuze basebenze kwaye bakhankanye nokuba bayixele kwisikhululo samapolisa sendawo le ngxaki.
• Ngoko ke uMphathiswa wePhondo ubhalele aba bantu kuthiwa banetyala, ebanika iintsuku ezisixhenxe zokwenza iintetho malunga nokuba kutheni engenakuzirhoxisa iilayisenisi zabo zomsebenzi, kwaye abazange baphendule ngexesha elimiselweyo. Kukho umntu omnye kuphela ophendule emva kwexesha elithile, ethuka i-MEC kunye ne-meya.
Emva kwazo zonke ezi ndlela zokungenelela kunye neengcebiso njengesisombululo sokugqibela, UMphathiswa yayingenalo elinye ithuba ngaphandle kokuvala i-PSJ Rank, eyi-asethi karhulumente kwaye irhoxise iilayisenisi zabaqhubi ezikhutshwe lisebe njengoko zonke ezi zezorhulumente de babe basebenzisane kwaye bathobele umthetho. I-MEC ikhuphe i-Gazette ukuze bona kunye nabanye abachaphazelekayo baphawule kwaye ukuza kuthi ga ngoku, akukho mpendulo ngaphandle kwe-Voice Note ekhuthaza ubundlobongela kuloo ndawo.
Sibiza bonke abachaphazelekayo, kuquka neenkokheli zeeteksi, ukuba baphendule ileta ebhalelwe bona malunga nokuba kutheni UMphathiswa engenakuvala i-rank.
