UMphathiswa wezokhuseleko loluntu, ohloniphekileyo uXolile Nqatha ekhatshwa nguKhomishinala wePhondo, uLieutenant General Nomthetheleli Mene, usekela Khomishinala wePhondo wezobuPolisa, uMaj Gen. iSithili sase Nelson Mandela municipality, namhlanje batyelele kwikhaya likaSgt Mario Nel owabulawa ngokungenalusini esemsebenzini kwinkundla kamantyi yaseMotherwell ngoLwesithathu, umhla wesithathu kuCanzibe 2023.
Igqiza elimelwe kakuhle liye lathuthuzela inkosikazi nosapho lwegosa elibhubhileyo kwikhaya labo e-Ext 22 eBethelsdorp.
Umfundisi wamapolisa wayitshintsha loo mvakalelo yokukhathazeka yaba nethemba nokhuthazo ngelizwi leNkosi.
UKhomishinala wesithili se-Nelson Mandela Municipality uMaj Gen Ncata uvakalise umbulelo wakhe ku Mphathissa nakuKhomishinala wePhondo ngenkxaso yabo kusapho lwelungu lethu eliswelekileyo. Kwakhona wabulela intsapho ngokwamkelwa kwayo ngokufudumeleyo ekufikeni kwayo.
Kumazwi akhe enkuthazo kusapho olubhujelweyo, uLieutenant General Mene ubazise ukuba umrhanelwa ubanjwe ngokukhawuleza ngamapolisa ethu. ‘Eli lixesha elibuhlungu kakhulu kusapho olulahlekelwe ngumntu omthandayo. Kubuhlungu kakhulu nakusapho olu . Siphulukene namagosa amabini esemsebenzini kwiveki enye. Ndinqwenela, egameni labaphathi beSAPS ukuba ndithi kuni siyaxolisa kakhulu ngelahleko yenu kodwa kufuneka nazi ukuba sizakuhamba nani kule ndlela de siye kuthi ndlela-ntle kuSgt Nel nangaphaya. Siza kukunika yonke inkxaso efunekayo ngeli xesha, ”utshilo uLt Gen Mene.
UMphathiswa wesebe lezoKhuseleko loluntu, uNqatha kumyalezo wakhe wovelwano uthe, ‘inene ngumzuzu obuhlungu kakhulu kodwa ndiyavuya ukuma apha ndimele urhulumente wePhondo ukuze songeze ilizwi lethu ekudluliseni umyalezo wethu wovelwano ngokusweleka koku. umthandi welizwe osweleke enxibe iibhutsi zakhe, ngelixa esemsebenzini. Wafa esemsebenzini esenza oko wahlulele ubomi bakhe ukuba akwenze. I-SAPS kunye norhulumente wePhondo bayazingca ngokuba naye njengelungu elisebenze ngokuzinikela kulo mbutho kwaye sikunye nosapho oluva intlungu kunye nani. Sizinikele ngokupheleleyo ekulweni isibetho solwaphulo-mthetho yaye sizibophelele ekuqinisekiseni ukuba umenzi wolu lwaphulo-mthetho ujongene nokusesikweni yaye uphenduliswa ngezenzo zakhe.’
Phambi kokuba ahambe, uSekela Mkomishinala wamapolisa kwiPhondo, uMaj Gen Kupiso ukhuthaze usapho ukuba lomelele kwaye lwayame kuSomandla ngala maxesha anzima. Uqukumbele ngelithi,’ siyabulela kwaye siyayibulela into yokuba uye wavumela unyana wakho ukuba azibandakanye nalo mbutho kwaye akhonze uluntu. Ngokuqinisekileyo uye wakhonza uluntu kwaye wasweleka esakhonza uluntu. Koogxa bethu sinombulelo kuba ngolo suku, amalungu awazange abaleke kodwa aqinisekisa ukuba umenzi wobubi ubanjiwe. Yanga iNkosi emangalisayo ingakuthuthuzela, ininike uxolo, ubambelele esandleni somthuthuzeli ngemihla ezayo.’
Iqela labandwendweli liphinde lanikezela ngeminikelo yemali eyanikelwa ngabo ngokwabo kusapho.
Imibuzo: Col Priscilla Naidu
071 3628726
