Umrhanelwa oneminyaka engamashumi amabini anesithandathu (26) ubudala uvele kwinkundla kamantyi eGcuwa izolo ngomhla weshumi elinesine kweyeSilimela ngo2023 ngezityholo zokubulala umakhulu wakhe oneminyaka engamashumi alithoba (90) ubudala, ngomhla wethoba kweyeSilimela kwindawo yaseKobodi A/A Zisoyini ngaseGcuwa.
Kutyholwa ngelithi ngalo mhla ukhankanyiweyo ngentsimbi yesthandathu (18:00) ngokuhlwa, abahlali babona indlu isitsha baza badibana ukuze bawucime lo mlilo. Umzimba otshileyo kaNongenile Sobetwa ufunyenwe kwisitulo esisemva kocango. Kwavulwa idokethi yophando.
Ngomhla weshumi kweyeSilimela, abahlali bamfumana umzukulwana ongasekhoyo baza bambetha kanobom. Batyhola ngelithi nguye owaba ngunobangela wokutshisa indlu. Wayehlala nomakhulu wakhe. Wavalelwa ngemibuzo.
NgoLwesibini, ngomhla weshumi elinesithathu kweyeSilimela, abecuphi beSAPS Kei Bridge bammangalela ngokubulala.
UThulani Sobetwa ugcinwe eluvalelweni kwaye ukuvela kwakhe kwakhona enkundleni ngomhla wamashumi amabini anesibini kweyeKhala ku 2023 ukuze afake isicelo sebheyile ngokusesikweni. .
UMkomishinala wePhondo, uLieutenant General Nomthetheleli Mene uvakalise umothuko wakhe ngohlaselo olumanyumnyezi ngolu hlobo kugqirha owayengakwazi ukuzikhusela. “Isiganeko sokuxhatshazwa kwabantu abadala yingxaki ekhulayo yoluntu, kwaye sonke kufuneka sidlale indima enkulu ekukhuseleni abantu abasengozini. Olo hlaselo lwenkohlakalo olulolo hlobo kubantu abadala alunakuxolelwa kwaye uluntu kufuneka lubajonge abantu abadala kwaye luchaze emapoliseni nakuphi na ukungahoywa okanye impatho-gadalala abayifumanayo. Siza kusebenzisana ne-NPA ukuqinisekisa utshutshiso oluyimpumelelo,”wongeze watsho uLieutenant Gen Mene.
