USekela Mphathiswa wezaMahlathi, uLoba nokusiNgqongileyo, uNksz. UMakhotso Sotyu, uzakukhokela umsitho wokunikezelwa kwamasimi iKei Mouth kunye neQolorha ngomhla wama-30 kweyoMqungu 2024, elandelwa ngamasimi eWilo naseNtlangaza ngomhla wama-31 kweyoMqungu ngowama-2024, kwiPhondo leMpuma Koloni.
Le misebenzi iya kubandakanya phakathi kwezinye izinto, ukhenketho lokutyala, ukutyalwa kwemithi kunye nokunikezelwa ngokusesikweni kweziVumelwano ezityikityiweyo zamaHlathi (iiCFAs).
Elisebe lithi Amasimi, aneeucalyptus ubukhulu becala, adlala indima ebalulekileyo kulawulo lwamahlathi oluzinzileyo kwaye abalulekile kwinjongo yenguqu egxininiswayo kwiSicwangciso esinguNdoqo saMahlathi.
Eli nyathelo lijolise ekuxhobiseni uluntu oluhlala kufutshane nala masimi, lubenza bakwazi ukuwalawula ngokufanelekileyo kwaye bathathe inxaxheba ngokubonakalayo kwimarike.
Le mibhiyozo iphawula uvuthondaba lweengxoxo eziyimpumelelo kunye nezivumelwano phakathi kwesebe kunye neBhunga leMveli laseNqabe kunye neMidushane phantsi koMthetho wamaHlathi weSizwe, ka-1998 (NFA).
