Abahlali baseMatjhabeng kuMasipala wengingqi bafanelwe ziinkonzo ezingcono. La mazwi aphuma kuSodolophu oLawulayo wase-Matjhabeng, uThanduxolo Khalipha ngelixa eqhuba utyelelo lokujonga iiprojekthi zikamasipala.
ISebe lePhondo lezaManzi noGutyulo nalo lalikwinkqubo yokuzalisekisa indima yalo yokulawula, liqinisekisa ukuthotyelwa kweenkonzo zogutyulo.
Ngokwengxelo yeendaba zeSABC, utyelelo lolongamelo lwenzeka kwiiprojekthi ezahlukeneyo eziphantsi kolawulo lukaMasipala waseMatjhabeng. USodolophu weSigqeba uThanduxolo Khalipha uthi umasipala kufuneka anike iinkonzo eziyimfuneko. Izikhalazo zabahlali nazo ziya kuqwalaselwa.
NgokukaKhalipha, ukuchitheka kwelindle sekuyinto eqhelekileyo eMatjhabeng nakwilizwe jikelele.
“Isidima sabantu bethu siye sathotywa. Besifumana iileta ezivela kwiKomishoni yamaLungelo oLuntu kunye noMkhuseli woLuntu … abantu bethu bebekhalaza kwaye banesizathu esivakalayo sokukhalaza kodwa umsebenzi esiwenzileyo, kukho ukuzibophelela kwicala lethu, yiyo loo nto sivuya kakhulu, ngenkqubela esiyenzileyo ukusukela ngo-2021.”
Intloko yesebe lezamanzi nogutyulo kweli phondo uGqirha Tshediso Ntili, uthi bakholwe ukuqinisekisa ukuthotyelwa nenkqubela phambili ekuhanjisweni kwezi nkonzo.
Abanye abahlali bavakalise ukungoneliseki kwabo, besithi umgangatho weenkonzo awonelisi.
“Njengabahlali base-Matjhabeng sineengxaki ezininzi, umjelo ophantsi komhlaba ohambisa amanzi amdaka osuka e-Thubelitjha uphuma ezindlini, uqala ukusuka kwelinye icala lesitalato ukuya kwelinye icala. Yaye xa sele imbi kakhulu, iphumela ngaphakathi ezindlwini.”
“Sithenjiswe ngezikhundla, sihlala ematyotyombeni, kodwa kukho isithembiso emva kwesithembiso, nalapho ndihlala khona, imeko ayikho ntle. Ndisebenzisa indlu yangasese enomngxuma.”
“Into endikhala ngayo kukukhathalelwa kwabantu abadala neenkedama. Ndisebenzisa indlu yam njengendawo yokhuseleko, ndisebenza kunye noonontlalontle ndihlalisa abantwana abangenandawo yokuhlala.”
Utyelelo luquka ukunikezelwa kweeprojekthi ezigqityiweyo, kunye nothethathethwano noluntu lwaseMeloding, eVirginia.
Le ndibano inxulumene nokusekwa komgodi omtsha weSibanye-Stillwater kule ndawo.
