By Esona Magawana.
INtloko yoLawulo lweNkonzo yesiPolisa yaseMzantsi Afrika (i-SAPS), iNtloko yezoBulungisa kunye neMigaqo-Nkqubo uMajor General Petronella Van Rooyen ubongoze iKomishoni yoPhando kaMadlanga ukuba igxininise kwiimpembelelo zomthetho zokungenelela kwezopolitiko kwimisebenzi yamapolisa.
Izimvo zakhe zilandela emva kokuba uMphathiswa wamaPolisa uSenzo Mchunu wachitha iQela loBuluwa kwabezoPolitiko (PKTT).
UVan Rooyen lingqina lesithathu ukunika ubungqina kule komishini; abanye baquka uMkomishinala wamaPolisa kaZwelonke uFannie Masemola kunye noMkomishinala wamaPolisa aKwaZulu-Natal uNhlanhla Mkhwanazi.
Uthi, “Iimpembelelo zokungenelela kwezopolitiko kunye nokuhambelana ngokukodwa nokuba indima yomphathiswa imisa phi kwaye indima yomkomishinala kazwelonke iqala phi, kunye nokuzisa ingcaciso.”
Ngelixesha, iPKTT kulindeleke ukuba ibeyingqwalasela yeengxoxo zoluntu zoPhando xa ingqina elitsha linika obalo ubungqina ngoLwesihlanu, umhll wamashumi amabini anesithandathu (26) kweyoMsintsi 2025.
Amadokethi amatyala angamashumi amabini ananye (121) angundoqo kule komishini enikwe uxanduva lokujonga urhwaphilizo nokungenelela kwezopolitiko kwii-arhente zogcino-mthetho. La madokethi athinjwa kweli gqiza nguSekela Mkomishinala wamaPolisa uShadrack Sibiya kulandela ukuchithwa kweli candelo.
Uphando sele luvile ukuba isigqibo sikaSibiya sokuhlutha amadokethi awagcine kuNdlunkulu weSAPS sibeke emngciphekweni uphando, nto leyo eyenze ukuba kube nzima kumapolisa ukuphanda ngale miba.
Ubungqina obulandelayo kwikomishini kulindeleke ukuba buhlolisise ngakumbi kwiidokethi eziphikisanayo, eziye zabuyiselwa kwi-PKTT.