Kudlala oompondo zihlanjiwe kwisigaba seSuper 8 ukuqala namhlanje.
Amaqela eQakamba kwiNdebe yeHlabathi athelekiswe ngokoluhlu lamaqela akumanqwanqwa ehlabathi.
I-India (A1), iPakistan (A2) I-England (B1) i-Australia (B2) New Zealand (C1), iWest Indies(C2), Proteas (D1), iSri Lanka (D2) angenile kwisigaba esilandelayo samaqela angoompondo zihlanjiwe asibhozo (8) nakhethekileyo. Esisigaba saziwa njengeSuper 8.
Ngelishwa lomhluzi wamanqina amaqela amathathu (3) awakwazanga ukugqithela, loo maqela yiPakistan, iNew Zealand neSri Lanka.
Lamaqela asibhozo (8) azakudlala kuGroup 1 noGroup 2, iGroup nganye izakuba namaqela amane (4). Iqela ngalinye lizakudlala imidlalo emithathu (3), amaqela amabini (2) azakuthi abekwindawo yokuqala (1) neyesibini (2) kwiGroup nganye azakugqithela kumandulela kamagqibela kankqoyi.
Nanga amaqela ngokweGroups, kuGroup 1 yi-Indina yiAustralia yiAfghanistan neBangladesh. KuGroup 2 yi-USA, yi-England yi-West Indies neSouth Africa.
Lamaqela ebedlala kulendebe yehlabathi ebengamashumi amabini (20), aye akhiqana kwashiyeka amaqela asibhozo (8)
Kumdlalo wokuqala kuGroup 2, iProteas zithelekiswe nabanye abahlinzeki iMelika kumabala iSt Vivian Richard’s eAntigua. Lemidlalo iyaqala namhlanje umhla weshumi elinethoba (19) kulenyanga ngoLwesithathu ngecala emva kwentsimbi yesine (16h30) emva kwemini.
Ngomso umhla wamashumi amabini (20) kweyeSilimela ngoLwesine ezintsukwini, umdlalo uyaqala ngecala emva kwentsimbi yesibini (02h30) ekuseni apho kudlala iNgilane neWest Indies kumabala iDaren Sammy, eSt Lucia.
Omnye umdlalo wangomso iAfghanistan iqubisana ne-India ngecala emva kwentsimbi yesine (16h30) kumabala iKensington eBarbados, eWest Indies.
Isuper 8 izakudlala kude kube ngumhla wamashumi amabini anesihlanu (25) kulenyanga ngoLwesibini, ngomhla wamashumi amabini anesixhenxe (27) ngoLwesine kudlale isigaba samandulela kamagqibela kankqoyi.
Ngomhla wamashumi amabini anethoba (29) kulenyanga ngomgqibelo kuzakube kudlala amagqibela kankqoyi wendebe yehlabathi yeT20.
Ngokuphumelela iqela lakufumana amanqaku amabini (2), ukuba akukho iziphumo njengokunetha imvula iqela ngalinye lakufumana inqaku elinye.
By Siphiwo Boqwana