Owayesakudlalela iBafana neSundowns uzimisele ukuba ngumnini weqela lebhola ekhatywayo.
Umdlali owayesakudlalela iMamelodi Sundowns usendleleni yokuthenga iqela lebhola ekhatywayo eMzantsi Afrika. UBryce Moon uzimisele ukuba ngusihlalo weqela lebhola ekhatywayo kwabahlawulwayo.
UBryce Moon nowayesakudlalela iqela laKwaZulu-Natal iMaritzbug United uzimisele ukulithenga eli qela nelidlala kwiMotsepe Foundation. UMoon nowayesakuba ngumdlali wangasemva weBafana Bafana uzimisele ukulithenga iqela laKwaZulu Natal kuFarouk Kadodia nongumphathi nomnini walo.
Ingxoxo ziyaqhuba zokuthengwa kweliqela kunjalo nje uMoon uthembise ngokuba nje kwiiveki ezimbini (2) ezizayo kungabe sekucaca icala.
UBryce uthi unamaphupha okuzibona efana noDavid Beckham ongumphathi nomnini weqela laseMelika i-Inter Miami. Lo kaMoon uthi uneenjongo ezinkulu ngeliqela xa ethe wakwazi ukulithenga.
By Siphiwo Boqwana.
