Abhengeziwe amaqela azakuthabatha inxaxheba kwiNdebe yokugqibela yesizini iNedbank.
Abhengeziwe amaqela ebhola ekhatywayo angamashumi amathathu anesibini (32) nazakuthi athabathe inxaxheba kwiNdebe iNedbank yokugqibela yesizini eMzantsi nelithenba lokugqibela kumaqela ebhola ekhatywayo nangekafunani ndebe kulesizini.
Ukhumbule ukuba amaqela athabathe inxaxheba kulendebe ngalawo adlala kudidi labangahlawulwayo ukuya koompondo zihlanjiwe abahlawulwayo beBetway Premiership. Asibhozo (8) amaqela ebhola ekhatywayo adlala kuMotsepe Foundation nathe afumana amatikiti okuzibandakanya kolukhuphiswano, la maqela aqale ngokuzihlungela elithuba ngexesha idlala imidlalo yokuzakufika kwesisigaba.
La maqela asibhozo (8) adibene namaqela ebhola ekhatywayo adlala kwiABC Motsepe nawo asibhozo (8), ewonke enza ishumi elinesithandathu (16) atsho adibana namaqela ebhola ekhatywayo adlala kwiBetway Premier League ukwenza amashumi amathathu anesibini (32).
Uthelekiso lamaqela ebhola ekhatywayo kukhuphiswano le-Ke Yona luzakuba ngomhla wethoba (09) kulenyanga imiyo yoMqungu ngoLwesine ezintsukwini ukutsho oko ngomso, lo msitho uzakukhutshwa ngqo kumajelo eSupersport kwitshaneli yePSL ukuqala ngecala emva kwentsimbi yesithandathu (18h30) malanga kuleveki sikuyo.
Amaqela asibhozo (8) adlala kwiMotsepe Foundation League nezakuba kolukhuphiswano yiHungry Lions, iKruger United, ibe yiPretoria Callies, iMilford FC, ibe yiDurban City, iBaroka FC, iCape Town Spurs neVenda FC.
Amaqela ebhola ekhatywayo adlala kwiABC Motsepe League kolukhuphiswano lendebe ye-Ke Yona nasibhozo (8) yiFree Agants FC yaseRhawutini, iCR Vasco da Gama yaseNtshona Koloni, The Bees yaseMpumalanga ibe yiUmvoti FC yaKwaZulu Natala, iSibanye Golden Stars yaseFreystata, iMighty Eagles yaseMpuma Koloni, iMpheni Home Defenders yaseLimpopo neLerumo Lions yaseMntla Ntshona.
Amaqela alishumi elinesithandathu( 16) adlala kwiBetway Premiership nazakuthabatha inxaxheba kumaqela okugqibela angamashumi amathathu anesibini (32) kwindebe yeNedbank yiMagesi FC, iStellenbosch FC, iCape Town City, iSekhukhune United, iLamontville Golden Arrows, Amazulu, iRichards Bay, iOrlando Pirates, iMamelodi Sundowns, iKaizer Chiefs, iMarumo Gallands, iChippa United, iSupersport United, iPolokwane City neTS Galaxy.
By Siphiwo Boqwana