Umbutho wezopolitiko I-African Transformation Movement(ATM) uhlab’ ikhwelo lokunyanzelisa ukuthathwa kwamanyathelo angqingwa yingalo yomthetho kuphando olutsha oluveza ukuba imali engange R2 Billion yeerandi zeli yehle ngomlenze kwisibhedlele sase-Thembisa Rawutuni.
Eliqela lime ngokungagungqiyo lichasana norhwaphilizo olumasikizi oluvezwe licandelo lophando iSIU neyasungulwa ngoMongameli uCyril Ramaphosa ukuba iphande yonke imikhwa yobuqhophololo kwelilizwe. Oluphando luveza ukuba ezizigidi, azinamnikazi ovumayo ukuba wazithatha nanjengoko uphando lusaqhuba. IATM ithi iphoxakele zezisenzo, ingakumbi xa kuthathwa imali yabemi beli, nebibekelwe ukuhambisa iinkonzo kuquka nokuphucula iimpilo zabo kwesisibhedlele saseTembisa.
Ngethuba lodliwano ndlebe nosomlomo weliqela uZama Ntshona, uthe “Simema inyathelo elikhawulezileyo neliqinisekileyo lokuba bonke abo bachaphazelekayo baphendule. Oku kuquka nokuba kuphandwe namagosa akwizikhundla eziphezulu aququzelele olu rhwaphilizo”