IPalamente iqinisekisile ukuba i-African Transformation Movement (ATM) ifake isicelo sokumgxotha uMongameli uCyril Ramaphosa kwiSithethi seNdlu yoWiso-mthetho yeSizwe, uThoko Didiza.
Oku kuvela ekukhutshweni kwengxelo yi-Independent Police Investigative Directorate (IPID) echaza ukuziphatha kwamalungu amabini aphezulu enkonzo yesipolisa aphande ubusela kwifama kaMongameli iPhala Phala eLimpopo.
I-ATM ithi oku kuhambelana nokuziphatha kukaMongameli nokufihla amabibi okucwangciswe ngamapolisa aphezulu, kuquka neNtloko yoKhuseleko uMajor-General Wally Rhode
Isithethi sePalamente, uMolotho Mothapo, uthi, “USomlomo weNdlu yoWiso-mthetho yeSizwe uqinisekisile ukufumana imbalelwano evela kwi-African Transformation Movement. Okwangoku ugxininisa kulo mxholo, kwaye uya kukhokelwa ngulo mxholo kunye nemithetho yeNdlu yoWiso-mthetho yeSizwe kunye neenkqubo zesizwe ezimiselweyo ekufikeleleni nakwesiphi na isigqibo.”