Umrhanelwa oneminyaka engamashumi amabini anethoba (29) ubudala ubonwe kwividiyo ebetha abafazi ababini kwindawo yaseSholorha ngaphandle kwase-Elliotdale ngoLwesine, umhla wamashumi amathathu (30) kweyoMqungu 2025. Kuye kwavulwa ityala lokubetha ukuze kuphandwe. Abacuphi base-Elliotdale SAPS bebeshushu ezithendeni zomrhanelwa, waze wabanjwa kamva, wabekwa ityala lokubetha.
Okwa ngoku, injongo yesenzo sakhe ayikaziwa kwaye iyinxalenye yophando oluqhubekayo.
Umrhanelwa uzakuvela kwiNkundla kaMantyi yase-Elliotdale ngoMvulo, umhla wesithathu (03) kweyoMdumba ka-2025.
I-SAPS izigxeka kabukhali izenzo ze-GBV. Ulwaphulo-mthetho olumanyumnyezi olunjalo alunandawo kuluntu lwethu. I-SAPS isazibophelele ekuqinisekiseni ukhuseleko lwabo bonke abemi, ingakumbi abasetyhini nabantwana. Siya kuqhubeka sisebenza ngokuzimisela ukuphanda nokutshutshisa amatyala e-GBV kunye nokubonelela ngenkxaso nokhuseleko kumaxhoba.
Sibongoza lonke uluntu ukuba luxele naziphi na izehlo ze-GBV kwiSikhululo samaPolisa esikufutshane okanye ngenye indlela baxele kwinombolo ye-SAPS CrimeStop 08600 10111. Sikunye, singenza uluntu olukhuselekileyo nolunobulungisa ngakumbi kumntu wonke.