Iqela lasePitoli alinantanga ngempokotho eMzantsi.
Elona qela lifumene imali eninzi eMzantsi kwisizini esiphuma kuyo ziinjinga zeligi iMamelodi Sundowns nezingenantanga kumaqela eli ebhola ekhatywayo.
ISundowns ihamba phambili kunjalo nje inqenqeza phambili kakhulu kuwo onke amaqela akwiPSL. ISundowns ikwazile ukufumana imali ephantse ifikelele kwiikhulu elineshumi elinesihlanu lezigidi zeerandi (R115m) ilandelwa yiOrlando Pirates emke namashumi amabini anesibini ezigidi zerandi (R22m).
ISekhukhune United neStellenbosch FC zona zenze imali engangezigidi ezilishumi zeerandi (R10m) yaze yona iKaizer Chiefs yahamba nezigidi nje ezimbini zerandi (R2m).
Iqela elihlileyo iCape Town Spurs neRoyal AM ngawo kuphela amaqela angakwazanga ukwenza isigidi nje esinye seerandi.
ISundowns kwiMTN8 ifumene amakhulu asibhozo amawaka erandi (R800 000) ngokubethwa kumagqibela kankqoyi, yemka nezigidi ezilishumi elinesihlanu (15m) ngokuphumelela iligi yeDSTV Premiership.
KwiCarling Knockout yafumana amakhulu amathathu amawaka erandi (R300 000) ngokubethwa kumjikelo wokuqala. Yafunjathiswa izigidi ezimbini ezinesiqingatha zerandi 2.5m) ngokubethwa kumagqibela kankqoyi wendebe iNedbank.
Baphinda babhaqa amashumi amabini anesibini ezigidi zerandi (22m) emva kokubethwa kumandulela kamagqibela kankqoyi.
Ayiphelelanga apho yafumana izigidi ezingamashumi asixhenxe anesine (74m) kwiAfrican Football League. Iyonke ngokuchanekileyo imali efunyenwe yiMamelodi Sundowns likhulu elinesine lezigidi zerandi esinamakhulu asibhozo amawaka erandi.
By Siphiwo Boqwana