Indoda yaseCumakala itbophelele ze yatshisa isinqandamathe sayo kunye nonyana wakhe oneminyaka elishumi elinesithathu (13) ubudala kwilali yaseKubusi eCumakala kweliphondo LeMpuma Koloni ngoMvulo umhla wethoba (9) kweyoKwandla ka -2026.
Ngokwengxelo esisibini silwela ubomi baso kwizibhedlele ezahluka-hlukeneyo, isinqanda-mathe somrhanelwa sigqithiselwe kwisibhedlele esiseMonti ngenxa yobuzaza bamanxeba okutsha, logama inkwenkwana yona ikwisibhedlele sasekuhlaleni. Ngokwengxelo umrhanelwa utyhola esisibini ngokuba imali yomrhanelwa engangamashumi amahlanu eerandi (R50).
Ukanti umama walenkwenkwana uNdileka Magibisela uthi unyana wakhe nomrhanelwa uImitha Magibisela uthi ngemini yesiganeko wafumana iindaba zokutsha konyana wakhe nalapho athi ekufikeni kwakhe esibhedlele waxhelwa kukuva amagama kanyana wakhe xa esithi akatyanga nerandi enye kulemali kayise.
Ukanti umakhulu wintwana uthi umnqweno wakhe kukuba umrhanelwa angaphumi entolongweni emva kokonzakalisa ubomi bomzukulwana wakhe oluhlobo. Esithi eyona nto imxhela umphefumlo kukuba lenkwankwana ihlala naye nto nje wayemoyikise ngokumfaka uswazi kwilinge lokunqanda ukuba angayi Emfuleni ukuyodada namanye amakhwenkwe, kulapho le nkwenkwana yabalekela endlini kayise.
Kusenjalo uceba wasekuhlaleni phantsi komasipala i-Amahlathi uNdileka Ngxaka-Ngxaka esithi bavile ngesehlo esehle kusapho lakwaMagibisela, esithi nangona engengoceba ophethe kulelali kodwa uthe esova ngesisehlo nalapho watsiba kuqala ukuzosabela. Uthi ke eyona njongo iphambili kungoku nje kukuyoma phambi kwenkundla yamatyala ngomhla wamashumi amabini anesine (24) kwinyanga yoKwindla ukuya kuxhasa iintsapho ezichaphazelekayo, nokuyokuthi ‘Phantsi nge bheyile” kumrhanelwa.