Ipolisa laseMpuma Koloni lidubule laza labulala umfazi walo ngaphambi kokuba lizijikelise isibhamu salolizidubule nalo
Isithethi samapolisa, uBrigadier Nobuntu Gantana, uthe esi siganeko senzeke eParsonsvlei eGqeberha ngoMgqibelo ebusuku.
Uthe amapolisa abizelwe kwindawo yesiganeko malunga nentsimbi ye-00h05 apho afumene khona izidumbu zegosa lamapolisa elineminyaka engamashumi amathathu anesine (34) ubudala elalisebenza kwinkonzo yesipolisa yaseMount Road, kunye nomyeni walo oneminyaka engamashumi amane anesine (44) ubudala, uSergeant wamapolisa eNew Brighton.
Uthe iimeko ezijikeleze le ntlekele ziyinxalenye yophando oluqhubekayo.
“Umpu ekukholelwa ukuba usetyenzisiwe kwesi siganeko ufunyenwe kwaye wathathwa ngamapolisa.
“Inkqubo yezeMpilo kunye nokuPhila kakuhle kwabasebenzi besipolisa isebenze ukubonelela ngenkxaso efunekayo kunye neengcebiso koogxa babo abachaphazelekayo kunye namalungu osapho, kuquka nabantwana ababini abangaphantsi kweminyaka yabo babekho endlwini ngexesha lesiganeko,” utshilo uGantana.
Uthe abaphathi bamapolisa babongoza amalungu amapolisa ukuba afune uncedo xa ejongene nayo nayiphi na ingxaki yeemvakalelo.