Likhuphe icwecwe lalo lesixhenxe (7) ngoLwesihlanu umhla wamashumi amabini anesixhenxe (27) kweyoKwindla iqela elicula umculo wokholo I -Evangelical Best Man Quartet nelaziwa nge EBMQ, elizinze eMthatha kwiphondo leMpuma Koloni
Iqela le EMBQ liqela elenziwe ngamatyendyana abafana abanye (4), uMafa Magumba, Thembinkosi Bavuma, Sandisiwe Maqokolo kunye noMxolisi Jijana. Eliqela lizenzele udumo olukhulu kumaspala wase OR Tambo ngecwecwe labo lokuqala elalisithi “Andigcwali ngo 7”.
Ukanti phakathi kwamanye amacwecwe abo kuqula elithi; Likhona isango nelaphuma phantsi kwenkampani yoshicilelo iGallo, nelathi labeka igama leliqela kwiindebe zemilomo abantu kwiphondo liphela.
Ukanti icwecwe labo lesithathu lalisithi “Bongani”, ze elesine lithi Ungathumela lalandelwa ngu “Unabantu Bakho Thixo” njengecwecwe lesihlanu. Eliqela beligqibele ukukhupha icwecwe ngondilandeleni njengecwecwe lesithandathu.
Sithetha nje, ngoLwesihlanu umhla wamashumi amabini anesixhenxe (27) kweyoKwindla eliqela liphinde lenza elidume ngazo ngokukhupha icwecwe elithi “umgibe Uqhawukile”. Ukanti elicwecwe liqulathe ucwambu leengoma ezilishumi elinanye (11) zomculo wokholo. Eliqela lithi kwelicwecwe lisebenzisene nezinye iimvumi ezidumile ezifana noThina Zungu noTakkie Ndo.
Iqela le-EBMQ lithembise ukuba elicwecwe liqulathe ubuThixo kwaye linokuvuselela ithemba kwinginginya enokuthi ilimamele. Bekwanxuse kananjalo ukuba wonke ubani azifumanele lomculo wabo unambithekayo
