Bathathu ukuzakuthi gaa ngoku abadlali esele betyikityiwe ngaMakhosi.
Abadlali beKaizer Chiefs esele betyikityiwe leliqela ukuzakuthi gaa ngoku.
I-Technical team yeChiefs ibajonga jongile abadlali yabona kukho imfuneko yokufuna unozinti, umdlali wangasemva phakathi kodwa yena umdlali wasekhohlo ngasemva ubonakela phambi kokuba eliqela linduluke ukuya eTurkey ngomhla wesine (04) kwinyanga yeKhala.
Kubadlali abatsha bamakhosi abathathu sele bebhengeziwe. Owayesakuba ngumdlali weBloemfontein Celtics nomdlali wangasemva wePirates uBongani Sam, ngumdlali wokuqala ukutyikitya neKaizer Chiefs, elandelwa ngunozinti waseRwanda uFiecre Ntwari nokhululwe yiTS Galaxy, kwakunye nomdlali wangasemva we-Cape Town Spurs, uRushwin Dortley.
UBongani Sam oneminyaka engamashumi amabini anesithandathu (26) ubudala udlala ngasemva ekhohlo, uRushwin Dortley oneminyaka engamashumi amabini anesibini (22) ubudala udlala phakathi ngasemva, ekwazi nokudlala ecabangeni ekhohlo, yena uFiacre Ntwari uneminyaka engamashumi amabini anesine (24) ubudala ungunozinti.
Irekhodi likaNabi libonisa ukuba ukuhlasela yinto ayithandayo kubadlali bakhe, uqeqeshe iYoung Africans eTanzania, waya kwiqela iAS FAR eMorocco nalapho kwimidlalo engamashumi alithoba (90) kubekho amanqaku alikhulu elinamashumi asixhenxe anesihlanu (175).
Kwisizini ka-2021/22 uNabi eqeqesha iYanga eTanzania baafaka amanqaku angamashumi amane anethoba (49) kwimidlalo engamashumi amathathu (30).
Ngesizini ka-2022/23 ekwiYanga eTanzania kwimidlalo engamashumi amathathu (30) baafaka amanqaku angamashumi amathandathu nanye (61).
Kwiqela iAS FAR eMorocco kufakwe amanqaku angamashumi amathandathu anesihlanu (65) kwimidlalo engamashumi amathathu (30).
Amanqaku afakwe kwiqela aliqeqeshayo ngesizini ka-2021/22 kufakwe amanqaku asibhozo (8) ngethuba eseTanzania kwiYanga, ngesizini ka-2022/23 ekwiYanga eTanzania kwakhona kufakwe amanqaku alishumi elinesibhozo (18) kwimidlalo engamashumi amathathu (30).
Ngethuba ekwi-AS FAR kufakwe amanqaku angamashumi amabini anesibini (22) kwimidlalo engamashumi amathathu (30) kwiqela lakhe eMorocco.
By Siphiwo Boqwana