Amapolisa aseGqeberha akhangela isibini esibulelele abantu abantu ababini.
Ibutho lephondo laseGqeberha likhangela abarhanelwa ababini (2) abadubule baze babulala abantu ababini (2) kumzi welori eMarkman ngentsasa yayizolo, umhla weshumi elinesithoba.
Kutyholwa ukuba kwemizuzu engamashumi amahlanu anesihlanu emva kwentsimbi yesibhozo (08:55) kusasa, uTabile Adonis oneminyaka engamashumi amashathu anesine (34) ungene evenkileni egaraji ngethuba abarhanelwa ababini ababesele besevenkileni besiza kuye waza omnye wabo wamdubula izihlandlo ezininzi.
Abarhanelwa emva koko babaleka badibana noGeorge Bruintjies oneminyaka engamashumi amane (40) obeme ngaphandle. UGeorge uthe akubona abarhanelwa wabaleka kodwa wadutyulwa izihlandlo ezimbini (2) phambi kokuba abhubhe.
Abarhanelwa batsibele kwimoto emhlophe babaleka. Okwangoku, isizathu sokubulala sisaphandwa.
Amapolisa acela nabani na onokuthi ancedise ekukhangeleni abarhanelwa ukuba atsalele umnxeba uD/Sgt Nigel Wright ku-082 921 2312 okanye uCrime Stop ku-08600 10111 okanye atsalele isikhululo samapolisa esikufutshane.
Lonke ulwazi luyimfihlo, kwaye abafowunayo banokuhlala bengaziwa.