Khange bakwazi ukuzibamba yimincili abahlali baseMphekweni kwaward 11 eNgqushwa, ngethuba umbutho wesisa iGift of the Givers ndawonye noCeba ozimeleyo uXolani Magini begquma imiqolo yeentsapho ezilikhulu namashumi asibhozo anesibhozo kwiholo yoluntu ePrudhoe izolo.
Iholo ibime ngembambo ngethuba lo mbutho noCeba bebinza ngepasile zokutya kwiintsapho ezilikhulu namashumi asibhozo anesibhozo(188) kwakunye nezitulo ezinamavili(wheelchairs)kwabo baphila nenkubazeko abasibhozo.
Abo baxhamleyo baphuma kwimimandla ephantsi koward 11 esingabalula uMgababa, Prudhoe, Mphekweni naseMkhanyeni.
Ngokuthi gqolo ephefumlelana noluntu uMagini nesigqeba sekomiti yakhe babone kuyimfuneko ukuba bagocagoce imicelimngeni ejamelene nabahlali.
Abahlali bavakalise umbulelo ngoku ngakumbutho wesisa noCeba wala mmandla.
