Iqela lamakhosi iKaizer Chiefs beliqubisene neqela laseQatar phezolo uMgqibelo umhla wamashumi amabini(20) kweyeKhala eTurkey kumdlalo wobuhlobo nobubanjelwe kwidolophu elikomkhulu lelalizwe i-Istunbul.
IKaizer Chiefs iyibhaxabule ngempama i-Al Shahaniya yona yaphundula ngeminwe emibini(5-2) ngethuba lamaqela mabini edlala umdlalo wobuhlobo.
Ibe nguRanga Chivaviro ofake amanqaku amane(4) ze umfana omncinci nosazwe ngobuso elizweni uMfundo Vilakazi wafaka inqaku lokugqibela.
Abalandeli beChiefs bavakale bebonakala bonwabile emva kweziziphumo, kunjalo nje bekwavakala benethemba lokuba iqela labo lingenza kakuhle litsho libavuyise nangakumbi ngokubuya nendebe noba zimbini(2) kulesizini siya kuyo, ingakumbi indebe yeligi abayifuna ngamehlo abomvu.
Ukhumbule ukuba iChiefs ileqa isizini yeshumi(10) ingasayiphumeleli indebe yeligi ngoku.
By Siphiwo Boqwana