ULuyanda Brian Vava (34) ufunyenwe enetyala yinkundla yezoRhwebo eMonti ngomhla weshumi elinesibhozo kweyeDwarha ngokwenza amatyala asixhenxe obuqhophololo.
UVava, obengumlawuli weWidelink Technologies, utyholwa ngokuqhatha i-UIF imali engaphaya kwamakhulu amathathu amawaka (R300 000) eerandi.
Esi sehlo senzeke ngo-2020 ngexesha lokuvalwa komsebenzi ngethuba kucetyiswa abaqeshi ukuba baqhubeke nokubahlawula abasebenzi babo baze emva koko bafake izicelo ze-Covid-19 Temporary Employer Relief Scheme.
UVava uye wafaka ibango kwi-UIF ngokungekho mthethweni egameni labasebenzi bakhe esebenzisa le nkampani, nangona abasebenzi beqinisekisile ukuba abafumananga mali.
Oku kubangele uphando olwenziwa yiSIU, nto leyo eyakhokelela ekubeni uVava agwetywe ukuba ahlawule imali engamakhulu amane anamashumi amahlanu amawaka eerandi okanye agwetywe iminyaka emithathu entolongweni.
Ukongeza, iqumrhu lakhe layalelwa ukuba lihlawule i-R450,000, ethe yanqunyanyiswa iminyaka emithathu.