INkundla ePhakamileyo yaseNtshona Koloni igwebe ngakwicala likaMongameli uCyril Ramaphosa lokuba amise okwethutyana umsebenzi wekomiti yokumgxotha ePalamente ngenxa yehlazo lefama iPhala Phala.
Kwisigqibo esifutshane esikhutshwe ngoLwesihlanu umhlawamashumiamabinianesine (24) kweyeKhala, uJaji u-Andre Le Grange uthe ngelixa kusajongwe isigqibo sophononongo lukaRamaphosa, abaphenduli bokuqala nabesibini nguThoko Didiza, uSomlomo weNdlu yoWiso-mthetho yeSizwe, kunye noMakashule Gana, usihlalo wekomiti yokuxosha izikhundla, abavumelekanga ukuqhubeka neengxoxo zoluntu zokuxosha izikhundla.
URamaphosa uphikisa ukufunyanwa kwephaneli yeCandelo lama-89 kobungqina bokuqala bokuba usenokuba waphule uMgaqo-siseko kunye nomthetho.
Ingxoxo yophononongo icwangciselwe umhla wesibini (2) ukuya kowesine (4) kweyoMsintsi kwiNkundla ePhakamileyo yaseNtshona Koloni.
Isithethi sikaMongameli, uVincent Magwenya, uthe uRamaphosa uyasihlonipha isigqibo esikhutshwe.
“UMongameli uqinisekisa kwakhona intlonipho yakhe yokuzimela kwenkundla kunye nokwahlulwa kwamandla aqulethwe kuMgaqo-siseko wethu. UMongameli uya kuqhubeka nokusebenzisana nokuthobela iinkqubo zoxanduva,” utshilo uMagwenya kwingxelo.