Omabini la maqela ebhola ekhatywayo akwiPSL iOrlando Pirates kunye neStellenbosch FC aphumelele phakathi evekini. IPirates ilwela indawo yesibini kuluhlu lamaqela eDSTV Premiership ndawo leyo ihleli iStellenbosch FC.
Ezimnyama ngenkani zibethele kowazo iCape Town City ngamanqaku amabini eqandeni (2-0), omabini amanqaku afakwe nguTshegofatsa Mabasa, nto leyo ecacisa ukuba ibhakabhaka lizimisele, kunjalo nje liyawafaka ngamandla amanqaku kumdlalo ngamnye abawudlalayo, iPirates iyibethele kowayo iCape Town City.
Kungoku nje iStellenbosch FC inamanqaku angamashumi amane anethoba (49) kunjalo nje yonke lento ilibazisa iMamelodi Sundowns ekuyiphakamiseni indebe yeDSTV Premiership. Yona iPirates inamanqaku angamashumi amane anesithandathu (46) xa kungoku nje.
IStellenbosch naso asifuni nokuva siyayiphumelela imidlalo yayo kunjalo nje nabo bayawagalela amanqaku kwimidlalo abayidlalayo. Lamaqela mabini afuna ngamandla ukuzibekela indawo kwiCaf Champions league. IStellies sibethe abafana besithende ngamanqaku amathathu kwiqanda (3-0) kunjalo nje abafana baseKapa khange bayiqhelisele iGolden Arrows.