Amabango amatsha avela kumalungu amabini e-senate kwiYunivesithi yaseFort Hare ongeze ukubaluleka kwityala elide leNkulumbuso yaseMpuma Koloni uOscar Mabuyane lokurhoxiswa kwakhe kubhaliso lwe-master’s degree ngonyaka kka-2021, kwiiveki nje ezimbalwa ngaphambi kokuba umcimbi ubuyele enkundleni.
Iinkokeli zabafundi zangaphambili, uFezile Mtyhida kunye noSibusiso Zonke, bobabini bangenise iingxelo ezifungelweyo ezithi isigqibo sokususa uMabuyane kubhaliso besingekho mthethweni kwaye asilandelanga iinkqubo ezifanelekileyo zeyunivesithi.
Amabango abo agxile ekuziphatheni kwesekela-Ngqonyela elimisiweyo uNjingalwazi uSakhela Buhlungu, abathi bawaphule imigaqo yezemfundo emiselweyo kwaye bayalela ngempumelelo isiphumo kwi-senate.
UMabuyane uqinisekisile ngoLwesibini umhla wamashumi amabini anesibhozo (28) kuTshazimpunzi ukuba isicelo sakhe sokuba ukurhoxiswa kobhaliso kuhlolwe kwaye kubekwe ecaleni siya kuviwa ngenyanga yeSilimela kumhla weshumi elinesibhozo (18) okokuqala ingxabano iya kugqitywa ngokupheleleyo phambi kwenkundla.