ISebe lezoBulungisa lithi alinamali yokuhlawula ulwandiso lweenyanga ezintandathu lweKhomishini yoPhando lweMadlanga malunga norhwaphilizo lwamapolisa.
UMphathiswa wezoBulungisa noPhuhliso loMgaqo-siseko uMmamoloko Kubayi uthi isebe lakhe sele lithethe noMphathiswa wezeMali uEnoch Godongwana ukuze lifumane inkxaso-mali engaphezulu.
Uthi isebe lichithe i-R123 yezigidi kwisabelo-mali salo se-R147 yezigidi.
Oku kuphakamisa inkxalabo malunga nokuba uphando lungaqhubeka na ngaphandle kokuchaphazela ezinye iindawo ezibalulekileyo zomsebenzi wesebe.
UKubayi ubhengeze oku ngexesha lentlanganiso yepalamente. Ukwabhengeze iindleko ezikhulayo zeminye imibuzo, kuquka noPhando lweNkabinde.
Nangona kunjalo amagosa athi iiKhomishini zeMadlanga neKhampepe zisengaphakathi kwisabelo-mali okwangoku.