Isekela-ntloko yamapolisa akumasipala oMbaxa wase-Ekurhuleni uJulius Mkhwanazi kunye nomphathi wesixeko uKagiso Lerutla bakhululwe ngebheyile ye-R30,000 umntu ngamnye.
Aba babini babanjwe kutshanje baza batyholwa ngenkohlakalo, ubuqhetseba kunye nokuphazamisa ubulungisa. Kuthiwa baququzelele umntu ukuba azenze uLerutla aze avele enkundleni egameni lakhe ngenxa yetyala lokugxagxamisa imoto ngesantya esingaphezulu komlinganiselo. UMkhwanazi kunye nalo mntu uzenza uLerutla kuthiwa bahlawulwe i-R400,000 ngemizamo yabo.
Ngokomtshutshisi, ummeli uNceba Ntelwa, uLerutla wabanjwa ngonyaka ka-2019 ngenxa yokugxagxamisa imoto. Wakhululwa ngebheyile ye-R1,000.
Xa kwakufuneka avele enkundleni, yena noMkhwanazi kuthiwa baququzelele lo mntu owazenza uLerutla owayevela egameni likaLerutla.