Siphiwo Boqwana
Unqunyanyisiwe umongameli weCameroon Football Federation uEto’o ngumbutho webhola ekhatywayo yehlabathi, iFIFA.
UNqunyanyisiwe ngumbutho webhola ekhatywayo wehlabathi iFIFA, owayesakudlalela iqela lebhola ekhatywayo laseSpain iBarcelona nongumongameli wombutho webhola ekhatywayo yaseCameroon, uSamuel Eto’o.
UEto’o unqunyanyiswe iinyanga ezintandathu ukuba angathabathi nxaxheba nakowuphi umsitho webhola ekhatywayo wamadoda namagqiyazana.
Oku kunqunyanyiswa kukaSamuel nowayesakudlalela iqela lesizwe lebhola ekhatywayo laseCameroon kuza emva kokungaziphathi kakuhle ngethuba lendebe yehlabathi yamagqiyazana angaphantsi kweminyaka engamashumi wmabini (U/20) ubudala.
Esi siphithiphithi senziwe nguEto’o senzeke ngethuba kuqubisene iCameroon neqela lesizwe laseBrazil kwisigaba samaqela alishumi elinesithandathu okugqibela, nalapho amanina eBrazil ephumelele ngamanqaku amathathu kwelinye (3-1).
Esi sivunguvungu senzeke ngomhla weshumi elinanye (11) kwinyanga ephelileyo yoMsintsi eBogota kwilizwe laseColombia ngethuba iBrazil ifumana ipenalti yokulinganisa amanqaku idlala neCameroon.
Olunqunyanyiso lubekwe yiFIFA phezu kwentloko kaSamuel Eto’o lumnqanda ukuba angathabathi inxaxheba kwimidlalo yebhola ekhatywayo yamadoda namanina kuyo yonke iminyaka yamaqela adlalayo kude kube kuphele iinyanga azigwetyweleyo ezintandathu (6).
Nangona kunjalo ukunqunyanyiswa kukaSamuel akuchaphazeli ukusebenza kwakhe njengomongameli webhola ekhatywayo eCameroon.
Lo mongameli weCameroon Football Federation ngenyanga yeKhala wanikwa isigwebo sokuhlawula amakhulu amabini amawaka (200 000) emva kokuba nezivumelwano ngokungekho semthethweni nenkampani yokungcakaza.
UEto’o wonyulwe njengomongameli ngonyaka ka2021 nalapho ethe wanengxaki exabana nomphathiswa wezemidlalo waseCameroon ngesizathu sokuqeshwa komqeqeshi waseBelgium uMarc Brys owakhethwa njengomqeqeshi weqela lesizwe lebhola ekhatywayo lamadoda.
By Siphiwo Boqwana