Amapolisa ase-OR Tambo kwiinzame zawo zokususa imipu engagunyaziswanga kwesi sithili avelise iziphumo ezincumisayo nanjengoko kufunyenwe imipu emithathu engenazimpepha-mvume eMqanduli naseMthatha phakathi koLwesibini noLwesithathu liqela liQela lokuPhendula ngoBuchule kunye namalungu oThintelo loLwaphulo-mthetho oluseMbindini aseMthatha.
Kwisehlo sokuqala sangoLwesibini, umhla wesibini kweyoMsintsi malunga nentsimbi yesiXhenxe (19H00), iTRT ilandele ulwazi malunga nomrhanelwa oyindoda oneminyaka engamashumi amathathu anesithoba (39) ubudala nophethe umpu ongenaphepha-mvume, wabanjwa lo mrhanelwa kumbindi woMqanduli nompu oluhlobo lwe-.38 Revolver (inombolo icinyiwe) njengoko engakwazanga ukunika amapolisa amaxwebhu asemthethweni alo mpu.
Kwiziganeko ezohlukeneyo nezinganxulumananga eMthatha kwaPayne omdala, amalungu oThintelo loLwaphulo-mthetho eMthatha athathele ingqalelo aza abamba abarhanelwa ababini abangamadoda abasuka kumakhaya abo ohlukeneyo aphakathi kweminyaka engamashumi amathathu anesihlanu (35) kunye namashumi amathathu anesibhozo (38) ubudala ngoLwesithathu, umhla wesithathu kweyoMsintsi 2025 ukusuka ngecala emveni kwentsimbi yokuqala (01:30) ukuya ngecala emveni kwentsimbi yesibini (02:30). Lo mntu uneminyaka engamashumi amathathu anesibhozo (38) ubudala ufunyenwe ephethe umpu we-CZ 75 – 9mm oneembumbulu.
Kwafunyanwa esandleni sakhe ii-Crystal meth neepilisi zeMandrax ngelixa lo uneminyaka engamashumi amathathu anesihalnu (35) ubudala efunyenwe enompu we-9mm oneembumbulu kwaye bobabini babengenazo iimpepha-mvume zokuba nemipu enjalo.
Aba bathathu bazakuvela phambi kwenkundla zamatyala eMqanduli naseMthatha ngokulandelelanayo ngezityholo ezisusela kukufumana imipu ngaphandle kwempepha-mvume neziyobisi.