By Siphiwo Boqwana
Abadlali abaliqela kweliqela labo bangaphantsi kweminyaka engamashumi amabini ubudala baphuma kwiChiefs neSundowns.
Abadlali abaliqela abafakwe kwiqela lesizwe lebhola ekhatywayo labangaphantsi kweminyaka engamashumi amabini (U/20) loMzantsi, asuka kwiqela leMamelodi Sundowns nakwiqela leKaizer Chiefs.
Eli qela lesizwe lilungiselela imidlalo yeCOSAFA nezakubanjwa ngomhla wamashumi amabini anesithandathu (26) kule imiyo inyanga yoMsintsi ukuyakutsho ngomhla wesihlanu (05) kwinyanga ezayo yeDwarha kwilizwe laseMozambique.
Umqeqeshi waMajita uRaymond Mdaka uzakube eqala ngqa ukukhokela eliqela kwitumente ebaluleke njenga lena, kunjalo nje uzakulidibanisa iqela lakhe ngomhla wamashumi amabini anesibini (22) kule yoMsintsi inyanga enkampini nalapho ezakube elungiselela umdlalo wabo wokuqala (1) ngomhla wamashumi amabini anesixhenxe (27).
Bafakwe kugroup C abafana abancinci boMzantsi nalapho bezakuqubisana neMalawi, iComoros neLesotho. Ukugqitha kwabo koluluhlu baya kumandulela kamagqibela kankqoyi, amaqela angene kumagqibela kankqoyi ngawo azakube ezibekele indawo kwindebe yeAFCON ezakuba kunyaka ozayo ka2025.
Naba abadlali abakhethelwe kweliqela, oonozinti nguFletcher Lowe weBenfica ePortugal, uMusa Masemola we-VIA Sport noTakalani Mazhamba we-Kaizer Chiefs.
Kubadlali bangasemva ngu-Aupa Motoung weTS Galaxy, uMbekezele Mbokazi we-Orlando Pirates, uTylon Smith we-Stellenbosch FC, ibe nguGopolang Taunyana we-Kaizer Chiefs, uAsekho Tiwani we-Mamelodi Sundowns, uDuane Bennet we-Wits, uNeo Rapoo we-Supersport United, ibe nguye uSifiso Timba weKaizer Chiefs, no-Siviwe Nkwali weCape Town Spurs.
Kubadlali basesiswini kukho uBennet Mokoena we-Mamelodi Sundowns, kubekho uGomolemo Kekana weMamelodi Sundowns, kubekho uOfentse Gosana weKaizer Chiefs, ibe nguMpho Khethang weKaizer Chiefs, uFaiz Abrahams weStellenbosch FC, ibe nguMfundo Vilakazi weKaizer Chiefs, ukhona uKutlwano Letlhaku weMamelodi Sundowns, uSiyabonga Mabena weMamelodi Sundowns, ibe nguLazola Maku weSupersport United.
Abanye abadlali basesiswini nguLangelihle Phili weStellenbosch FC, uLefa Autata weTS Galaxy, ibe nguShakeel April weCape Town City, abekhona uShandre Campbell weClub NXT eBelgium, uMicheal Dokumnu weVitesse eNetherlands, ukhona naye uXhosa Manyama weCape Town City kanti naye uKamohelo Maraletso weMamelodi Sundowns noEmile Witbooi weCape Town City.
Kwiifolosi nguLuke Baartman weCape Town City, uThabang Mahlangu weSupersport United ibe nguJode Ashane weCape Town City kanti ukhona uSiviwe Magidigidi weSupersport United noNeo Bohloko weKaizer Chiefs.