ISundowns ikhulule abadlali ukulungiselela abadlali abatsha.
IQela lebhola ekhatywayo eMzantsi kwiDSTV Premiership nelizinjinga zeDSTV Premiership ityeli lesixhenxe (7), lingqinile ukuba libakhulule abadlali abane (4) beliqela njengoko belungiselela isizini entsha ezayo ka2024/25.
IMamelodi Sundowns ilungisa iqela layo ukuba liqine ukulungiselela imidlalo ezayo emininzi. Ukhumbule ukuba iminwana phezulu izakuphinda ixakeke ngamandla nangaphezulu kwesizini esiphuma kuyo.
Amasandawana azakwangeza phakathi kwemidlalo yeNdebe yeHlabathi yamaqela ebhola ekhatywayo, kanti kulindeleke ukuba athabathe inxaxheba kwimidlalo yeCAF Champions League, nakwindebe yamaqela aseAfrika nesanda kusungulwa kulesizini siphuma kuyo.
Abadlali abakhululwe leliqela nguBongani Zungu nobesele ebhengezile ukuba uyalishiya eliqela. Omnye umdlali okhululiweyo yiSundowns nguBrian Onyango ongumdlali wangasemva welizwe laseKenya.
Naye uThabiso Kutumelo ubhengezwe njengonikwe uphumaphele leliqela, ukhumbule ukuba uThabiso ebekwimbolekiso kwiqela laseKapa iCape Town City.
UJunior Mandiete ngomnye onokulandela emnyango, lomfana waseArgentina kuvakala iingxelo zokuba kungenzeka ayokudlala kwilizwe laseGreece.
Umdlali ophambili kwaba bakhululweyo nguGaston Sirino nowathi wafumana ukungabikho kwiincwadi ezintle kweliqela emva kokuba wazama iindlela zokuzibandakanya neqela elaziwayo e-Afrika iAl Ahly laseJiphethe.
IMamelodi Sundowns ikhulula abadlali engabafuniyo nebabona bengancedisi okanye bengazukuncedisa kwindlela yabo eya empumelelweni kwisizini ezayo.
Eliqela lizama kangangoko ukuvula indawo yabadlali abatsha abanokuba tyikitya. Kwelinye icala iSundowns isathe cwaka ngomdlali wabo wasesiswini uThemba Zwane, uMshishi akakanikwa isivumelwano esitsha sengqesho kungoku leliqela, akukaziwa ukuba bacinga ntoni ngaye ngokubhekisele kwikamva lakhe kweliqela.
By Siphiwo Boqwana.