INTWAZANA YASE MAXESIBENI OKANYE MOUNT AYLIFF KWILALI YASE CABAZANA IZAKWAMKELWA NGOMTHANDAZO XA IPHUMA ESIBHEDLELE SASE MTHATHA NGOMHLA 27TH APRIL 2022
Simema imibutho yasekuhlaleni, iinkonzo zakwa Lizwi, u Rhulumente naMatsha Ntliziyo xa intombazanana eneminyaka 15 ubudala izakunyathela ngaphandle kwamasango esibhedlele isingisa ekhaya.
Idlwengulwe yakrolonqwa amehlo ngosuku lwe Good Friday yalonyaka ka 2022 le ntwazanana ena 15yrs yase Cabazana nebizakudibanisa 16yrs nge 13 ka June walonyaka, yonke lento isenziwa ngumfana ona 23yrs ubudala nobevele kwinkundla ka Mantyi e Maxesibeni namhlanje, ityala lirhoxiselwe umhla we 5th May 2022.
Kwingxelo ebesiyikhuphile siye sathi kuphawuleka ukuthi elinye imehlo ifike lentwazana esibhedlele lingasekho kuyo nalapho kucingeleka ukuthi lishiyeke phaya kulandawo yesehlo, elesibini lifunyenwe lijinga ngaphandle kodwa selonakele nemithambo yonzakele.
Udadobawo womntana (Ms. Nomavuma Ntshamba) uqinisekisile ukuthi liye lasuswa elimehlo belijinga, kungoku nje lentwazana kulindeleke ingene elalini nasekhayeni layo ingasaboni ngamehlo.
Olusana lwaphuma ekhaya emini ngomhla we Good Friday eyokuhlangabeza isihlobo sakhe kufutshane nehlathi elingekho kude kokwabo, ngoku uzakungena endlini sengasaboni.
Ebeqhele ukuzikhethela imibala xa enxiba, kwaye akhethe imibala eva yena, kodwa ngoku uzakuxhomekeka ebantwini ukumjongela lemibala.
Olusana beluqhele ukuya kubona izohlobo nezizalwana, kodwa ngoku lizakuxhomekeka kumntu wokumbamba ngesandla amkhombise indlela.
Ebeqhele ukuvuka kusasa aye esikolweni kodwa ngoku uzakukhangelelwa isikolo esilungele abantu abangaboniyo.
Sizakuma ngaphandle kwamasango logama usapho lwakhe luncedisana nesibhedlela bezakuphuma naye ahlangabezwe luluntu.
Emva komthandazo esibhedlele, kuzakuphuma ukrozo lwee motor lusingisa e Cabazana nalapho kuzakuqalwa kwelahlathi lesiqalekiso kwenziwe khona umthandazo ngamakholwa.
Luzakuqukunjelwa ekhayeni lomntana olusuku, emva koko kugodukwe.
ENYANISWENI iyakuhlala isisilonda sanaphakade lento kuba ngoku lomntana akazokuphinda akwazi ukumxolela umntu oyindoda.
BE STRONG MNTANAM NOBA KE AKUZOKUPHINDA UBONE NGAMEHLO.
Issued by Khula Community Dev. Project EC.
PETROS MAJOLA
25th April 2022