By Esona Magawana
ICandelo loPhando eliKhethekileyo (SIU) libuyise ngaphezulu kwe-R13 yezigidi zeerandi kumqeshwa wesibhedlele saseTembisa ekutyholwa ukuba waxhamla kubuqhophololo kwiithenda ye R2 bhiliyoni.
Kwingxelo ekhutshwe ngoLwesine umhla we26 KweyeNkanga 2025, iSIU iqinisekisile ukuba umqeshwa wasesibhedlele uZacharia Tshisele ubanjiwe ngenxa yendima yakhe ekuhlawulweni kweekhontrakthi ezigwenxa.
Isithethi seSIU, uKaiser Kganyago, uthe uTshisele ubuyise iR13 yezigidi zeerandi kweli candelo kule nyanga, athe yinxalenye nje yemali ekutyholwa ukuba uyifumene kubaboneleli beenkonzo. “Ngexesha lophando, i-SIU ifumanise ubungqina bokuba uMnu Tshisele ufumene ulwamkelo olungekho mthethweni kubaboneleli ngeenkonzo abohlukeneyo kwisibhedlele saseTembisa phakathi komhla woku-1 KweyoMnga 2020 ukuya kowe-01 KweyoMsintsi 2023.”“NgoNovemba ka-2025, uMnumzana Tshisele uhlawule i-R13 530 904.27 kwi-SIU, emele inxalenye yemali awayeyifumene ngokungafanelekanga.” utshilo uKganyago.