Abafana bakaJohn Prumplee benze ezubukwayo ngoLwesihlanu umhla wamashumi anesine (24) kuCanzibe 2024 ngethuba bequbisana neqela lombhoxo laseNgilane kumagqibela kankqoyi weNdebe iChallenge.
IiSharks zenze imbali ngoLwesihlanu ngethuba ziphumelela indebe yaseEurope okokuqala njengeqela langaphandle, iiSharks beziqubisana neGloucester eLondon umhla wamashumi amabini anesine (24) kuCanzibe.
IiSharks zoMzantsi Afrika zibethe iGloucester zaseNgilane kumabala iTottenham Hotspurs ngamanqaku angamashumi amathathu anesithandathu kumanqaku angamashumi amabini anesibini (36-22).
Abadlali baMabhokobhoko abakweliqela leeSharks bazibonakalisile bedlala ngokuzimisela, uOx Nche ebezihambela kwiScrum, yena uEben Etzebeth ebeququzela ekuyo yonke indawo. IiSharks bezikhe zankqekqeza phambili ngeshumi elinesithandathu kwisithathu (16-3).
USiya Masuku ebeqinisekisa ukuba kwathuba alifumanayo uyaqabelisa, uPheps Buthelezi ngomnye ebenomdlalo omhle. UMakazole Maphimpi noAphelele Fassi bancedisile ngokuthi bayokulala emgceni bephumelelisa eliqela.
By Siphiwo Boqwana.