Ilungu EFF ePalamente uMandla Shikwambana uvule ityala ngakumphathiswa wezemfundo ePhakamileyo uBlade Nzimande noSihlalo we NSFAS Ernest Khoza kwiSikhululo samapolisa e-Nelspruit, eMpumalanga.
Eli tyala linxulumene nokushicilelwe yi-OUTA, iveza ukusebenzisana ngobuqhophololo ukusuka kubaboneleli beenkonzo ze-NSFAS ukuya eNzimande. U-Shikwambana ukwalilungu leKomiti yePothifoliyo kwimfundo ephezulu. UNzimande uye waphika nakuphi na ukwenza into engalunganga ngakuye kwaye wafunga wamunca untupha ngokugcina isikhundla sakhe.
I-EFF kunye namanye amaqela ezopolitiko amemelela ukurhoxa kukaNzimande kwesisikhundla. UMphathiswa weMfundo oPhakamileyo utyholwa ngokufumana isixa-mali esivela kubaboneleli beenkonzo ze-NSFAS, bafumana izigidi. Inkqubo yoncedo lwezezimali sele ithwaxwa yimiceli mngeni, kubandakanya iintlawulo zangasemva kunye nemicimbi yabanikezeli beenkonzo phakathi kwezinye.
“Bamele banike izibonelelo zabafundi kodwa babelana ngemali yabafundi kwaye babelane ngayo phakathi kwabo. Abafundi bayasokola, kwiidlelo zedyunivesithi kunye nee-TVET Kholejiz azinandawo yokuhlala, abaxhaswanga njengoko sithetha namhlanje. Kulo nyaka kuphela abafundi abangama-280 baya kuthi basokole ngenxa yokuncitshiswa kohlahlo-lwabiwo mali oluchaphazelayo kwaye sithetha malunga nabafundi abangama-2 800 abangakhange bafumane isibonelelo sabo kulo nyaka uphelileyo. Ukuba uyijonga yimali engekhoyo kwaye iye kwiipokotho zamagosa e-NSFAS kunye noMphathiswa.” Utshilo uShikwambana.
Abafundi abaxhomekeke kwi-NSFAS kwizifundo zabo bathi ukususela ekungenisweni kwabanikezeli beenkonzo, izinto zaba muncu.
“Bendimalunga nokubhalisela unyaka wam wesithathu apha e-Unisa, azange bahlawulele ubhaliso lwam. Ubhaliso lwam luye laba lubhalisiwe okwethutyana, nto leyo edale ukuba kunyaka ophelileyo ndingafundi ngenxa yento yabanikezeli beenkonzo, kwaye andazi ukuba ndenze ntoni na,” Utshilo umfundi uWilly Gwebu.
“Ingxaki kunye nabanikezeli beenkonzo, zibiza kakhulu, zibiza into efana ne-R30 ukwenza intengiselwano enye,” utshilo omnye umfundi.
UMphathiswa uNzimande ubukhanyele ubuqhophololo obujoliswe kuye. Uye wafunga ukuba uza kuhlala kwisikhundla sakhe kwaye ufuna kwenziwe uphando.