Ingozi emasikizi eDutywa nesube imiphefumlo esibhozo(8)

Ngabantu abasibhozo(8) baphulukene nobomi babo ngelixa abasixhenxe(7) bonzakeleyo, emva kokuba imoto enye iye ayalawuleka yabhukuqa eDutywa kwindawo yakyDoti ukuya eMthatha.

Esi sehlo senzeke izolo umhka we 17.07.2022 (ngokuhlwa kwangeCawa) malunga nentsimbi yesibhozo 20H00 kuhola wendlela u-N2 eDutywa nesingise eMthatha. Isithuthi sohlobo lwe Isuzu nebikhwele abantu abalishumi elinesihlanu(15) kuquka nomqhubi ibiphuma eBolotwa kwilali yaseQeqe ngelixa igilana nenye kwindlela uN2 eDutywa isuka kwicala laseMthatha apho umqhubi wemoto ephulukene nolawulo lwesakhe naye isithuthi.

Umqhubi uphulukene nolawulo lwesithuthi sibhukuqa sinabantu abasibhozo(8) abachongwe njengabakhweli  nabathe babhengezwe njengababhubhileyo kwindawo yengozi ngelixa abane(4)kuquka nomqhubi befumene umonzakalo omandundu. Abanye aba(3) bonzakele kakhulu abangekaziwa okwangoku nanjengoko iinkonzo zikaxakeka zisazimasa abonzakeleyo.  Ukanti abalishumi abonzakeleyo baye babalekiselwa kwisibhedlele saseGcuwa ukuze bafumane unyango oluthe kratya kunye neZiko lezeMpilo loLuntu eDutywa.

Iimeko ezingqonge unobangela wengozi azikaziwa okwangoku nanjengoko le ndawo isaphandwa, kwaye iza kuphandwa ngabasemagunyeni abohlukeneyo. Ityala lokubulala ngokungenhloso lizakuvulwa kwamapolisa aseDutywa ukuze kuqhutywe uphando.