Umdlali weHighbury nokwayimvumi yomculo ufake amanqaku amabini phezolo.
IQela laseMpuma Koloni eGqeberha iHighbury ziinjinga ezintsha zeABC Motsepe kunjalo nje zinyukele ngasentla kwiMotsepe Foundation emva kokungena ngoLwesihlanu umhla wamashumi amabini anesibini (22) kule sikuyo inyanga kumagqibela kankqoyi weePlayoffs.
Eliqela laseMpuma Kapa layiqwela ngokuphumelela indebe emva kokubetha iKruger United yaseMpumalanga ngamanqaku amabini eqandeni (2-0) phezolo ngeCawa ezintsukwini umhla wamashumi amabini anesithathu (23) kule yeSilimela. Omabini (2) lamaqela iHighbury nezinjinga ngoku neKruger United zifumene ithuba lokudlala kumaqela akuMotsepe Foundation kudidi lokuqala (1) phambi kokuba bangene kuDSTV Premiership.
Umfana ofake omabini (2) lamanqaku nguMzoxolo Rhafana nofumene amashumi amahlanu amawaka erandi (50 000) emva kokulingana nomnye umdlali naye ofumene loomawaka. Iqela iHighbury lihambe nesigidi esimamashumi amabini anesihlanu seerandi (1.25m) ngokuphumelela kumagqibela kankqoyi. Kanti yona Kruger United igoduke namakhulu amathandathu amawaka (600 000) ngokujika kumagqibela kankqoyi.
Lomdlalo ubudlalelwa kumabala iMxolisi iDicky Jacobs e-Upington kwiphondo laseNorthern Cape.
UMxolisi ofake amanqaku amabini (2) kulomdlalo ngumfana oneminyaka engamashumi amathathu anesine (34) ubudala nowayesakuba ngumdlali waphambili weqela iFree State Stars, ukhumbule ukuba uyimvumi yomculo wevangeli, wathi wafumana udumo ngethuba engenela kukhuphiswano olwa lukumabonakude uSABC 2 olwalusaziwa njenge-“I WANT TO SING GOSPEL.”
Lo mdlali unamava uMxolisi Rhafana ulifake kwangethuba kwisiqingatha sokuqala (1) somdlalo inqaku lokuqala waze wafaka elesibini (2) ekugqibeleni kwisiqingatha sesibini (2) ebethelela isikhonkwane sokugqibela.
By Siphiwo Boqwana