IiBltzbokke zilifumene itikiti lokuya kwiOlympiki.
Iqela lombhoxo labafana abadlala ngabadlali abasixhenxe (7) ebaleni iBlitzbokke ziphumelele igolide kwimidlalo ebibanjelwe eGermany kwidolophu yaseMonaco kulempelaveki siphuma kuyo.
IBlitzbokke zibethe iGreat Britain ngamanqaku alishumi elinesine kwisihlanu samanqaku (14-5) kumdlalo obunzima. Abafana boMzantsi batsho bazibekela indawo kwiOlympiki eParis kwelaseFrance. Ibilithuba lokugqibela eli kuba bekushiyeke nje indawo enye yalisebenzisa elothuba uMzantsi Afrika.
UMzantsi Afrika ubethe iCanada ngamanqaku angamashumi amabini anesithandathu eqandeni (26-0) kumandulela kamagqibela kankqoyi. Yona iGreat Britain ibethe iSpain ngamanqaku alishumi elinesixhenxe kwishumi elinesibini (17-12) kumandulela kamagqibela kankqoyi.
By Siphiwo Boqwana