Kuyaqala ngqa ukuba kubekho elinye iqela lamanina eMzantsi kwiNdebe yase-Afrika ibe ingeyiyo iSundowns Ladies.
IQela lebhola ekhatywayo lamanina eMzantsi Afrika iDyunivesiti yaseNtshona Koloni lizijikile izinto kwibhola yamanina eMzantsi.
IUWC izibekele indawo okokuqala ezimbalini emva kokuba ililo iqela elizakumela uMzantsi kwiTumente yaseAfrika yebhola ekhatywayo yamagqiyazana kulo unyaka ka-2024.
Ukhumbule ukuba oko yaba ngamanina eMamelodi Sundowns amela eli kulendebe ukususela ukusungulwa kwayo ngonyaka ka-2021, aba bafundi beDyunivesiti yaseNtshona Koloni bayaqala ngqa ukumela uMzantsi Afrika kulendebe, phofu naliphi na iqela kwiHollywoodbets Super League zange kwabakho kwaqela liya kudlala kolukhuphiswano ngaphandle kweMamelodi Sundowns.
IUWC izakumela uMzantsi kwiCaf Women’s Champions League COSAFA qualifiers nezakubanjwa ngomhla weshumi elinesithandathu (16) ukuyakutsho ngomhla wamashumi amabini anesine m(24) kwinyanga ezayo yeThupha kwilizwe laseMalawi.
Onke amaqela wamagqiyazana asibhozo (8) nazakuthabatha inxaxheba kuletumente sele esaziwa kunjalo nje abhengeziwe, loo maqela ase-Afrka yiUWC yaseMzantsi, iHerentals Queens yaseZimbabwe, ibe yiGaberone United yaseBotswana, iGreen Buffalos yaseZambia, ize ibe yiYoung Buffaloes yase-Eswatini, kuze iFC Ongos yaseNamibia, ibe yi-Ascent Academy abahlinzeki baseMslawi neUD Luchinga yaseMozambique.
UThinasonke Mbuli uxole ngaphakathi intliziyo yakhe idada emafutheni ngokungenela kolukhuphiswano. UMbuli uthi kudala belilindele elithuba lide lafika, uthi nabo kudala bafuna ukuziva amandla namaqela aphezulu.