Ubutshisa bhe umdlalo wombhoxo kumabala i-Isaac Wolfson KwaZakhele.
YiBoland kuphela iqela lombhoxo elingekabethwa emva komjikelo wesibini (2) kudidi lokuqala, eliqela belindwendwele iGqeberha kulempelaveki siphuma kuyo.
IBoland ibethele kowayo iEastern Province Elephants ngamanqaku angamashumi amane anesibhozo kumanqaku angamashumi amathathu ananye (48-31) kumabala iWolfson KwaZakhele. Kulomdlalo ubutshisa weBoland neEP eGqeberha iBoland ibihamba phambili ngamanqaku angamashumi amabini anethoba kwisixhenxe (29-7) samanqaku, iBoland ilale emgceni amatyeli asixhenxe (7), yona iEP yalala emgceni izihlandlo ezimbini (2).
Amaqela amathathu (3) iFalcons, iLeopard neEP Elephants abambene ngamanqaku amathandathu (6) emva kwalemidlalo yombhoxo yangempelaveki. IFalcons zibethe iLeopard ngamanqaku angamashumi amane anesihlanu kumanqaku angamashumi amathathu anesihlanu (45-35) ePotchefstroom.
E-Auteniqua Park eGeorge, iSouth Western District Eagles ibethe iBorder Bulldogs ngamanqaku angamashumi amane anesithandathu kumanqaku angamashumi amabini anesithandathu (46-26). IiEagles zinamanqaku amahlanu (5) ngoku, yona iBorder Bulldogs ayikaphumeleli ikwindawo yesithandathu (6) ngamanqaku amabini (2). ISWD ibinqenqeza phambili ngamanqaku angamashumi amathathu anesithathu kwishumi elinesine (33-14).
By Siphiwo Boqwana