By Buhle Nomgalasa.
UZuma kunye neNkampani yaseFransi ethengisa izixhobo, iThales, batyholwa ngobuqhetseba, ubuqhophololo, kunye nokuxhaphaza imali ngokungekho mthethweni okuyanyaniswa nesivumelwano sokuthengwa kwezixhobo.
ITyala lobuqhophololo lowayesakuba nguMongameli uJacob Zuma lizakuqalwa ngeyoMnga 2025. UZuma kunye neNkampani yaseFransi ethengisa izixhobo, iThales, batyholwa ngobuqhetseba, ubuqhophololo, kunye nokuxhaphaza imali ngokungekho mthethweni okuyanyaniswa nesivumelwano sokuthengwa kwezixhobo. NgoLwesibini, umhla wesithathu (03) kweyeSilimela 2025, iNkundla ePhakamileyo yaseMgungundlovu isichithile isicelo sabo sokuba onke amatyala abatyholwa ngawo arhoxiswe.
Ijaji uNkosinathi Chilli ugwebe ngelithi lo mcimbi uzakuqhubeka ngeyoMnga.
“Lo mcimbi uhlehliselwe umhla wesine (04) kweyoMnga kulo nyaka ka2025. Inkundla iza kubekela bucala imihla emibini umhla wesine (4) nowesihlanu (5) kweyoMnga. Umnumzana Zuma noThales akunyanzelekanga ukuba bavele enkundleni ngolo suku.”
Ngaxeshanye, uZuma uthabathe idabi lakhe lokuba umtshutshisi woMbuso u-Advocate Billy Downer asuswe kwityala asiwe kwiNkundla ePhakamileyo yeziBheno. Ngenyanga kaTshazimpuzi, uJustice Chilli wasikhaba isicelo sikaZuma sokurhoxa kuka-Downer.