Kuzakubamdaka iisali kulutsha oluzakube ludlala imidlalo yebhola ekhatywayo kulempelaveki.
Izakuxakeka iGqeberha kwezemidlalo nanjengoko izakuhlinzeka imidlalo ye-Engen Knockout kulempelaveki kwiDyunivesithi iNelson Mandela ngoMgqibelo nangeCawa ukutsho oko namhlanje nangomso kumakhwenkwe nakumanina.
UBrighton Mhlongo noAkhona Makhalima bazakuyizimasa letumente. Umsitho wokuthelekiswa kwamaqela wenziwe ngoLwesibini umhla weshumi elinesibhozo ngethuba amaqela alishumi elinesibini (12) kunakhwenkwe namantombazana efakwa emnqwazini kwaze kwenziwa iGroups apho afakwe kuzo lamaqela olutsha kwibhola ekhatywayo.
UMhlongo uncome isiphiwo sabadlali abasakhulayo eGqeberha nawathi wasibona ngethuba wayedlala iqela lalapha eMpuma Koloni nelizinze apha eGqeberha iChippa United.
Nalu uluhlu lweEngen Knockout Challenge yaseMpuma Koloni kumanina, kuLuhlu A yiPhoenix Birds Ladies, iGolden Stars ladies neNav Galaxy Ladies. Kuluhlu B yiBay Stars Ladies, iShining Stars Ladies neAyakha Stars Ladies.
Kuluhlu C yiLinge Continentals, iAD Astra ladies neCoastal FC Ladies. Kuluhlu D yiRhodes University Ladies, iKilimanjaro Sports Stars Ladies neCity Lads Ladies.
Kumakhwenkwe kuluhlu A yiManchester City FC, yiReal Aces FC neUnited Young Stars FC. Kuluhu B yiMaletswai Jets FC, iHlumani Secondary School neYoung Cosmos FC.
Kuluhlu C yiChippa United, yiReal Stas FC, neNdakeni Young Stars FC. Kuluhlu D yiSophia Young Stars, Ebhayi FC neMaria Louw FC. Umdlalo wokuqala sele uqalile namhlanje, nangomso kuqalwa ngentsimbi yethoba kusasa. Umdlalo wokugqibela ngecala emva kwentsimbi yesine malanga nangomso ngokunjalo.