E-NU11 naseNU9 kulempelaveki kuqhuma ibhola ekhatywayo, eGqeberha.
Imidlalo yeligi yamaqela angahlawulwayo phantsi kombutho webhola ekhatywayo iMotherwell Football Association iyadlalwa namhlanje umhla wamashumi amabini anesibini (22) ngoMgqibelo kweyeSilimela kumabala aseNU 11 kwisigaba sokuqala (1).
Ngentsimbi yethoba (09h00) kusasa uqalile umdlalo wokuqala (1) iCamper United yamkele iTomorrow Stars, ngecala emva kwentsimbi yeshumi (10h30) iLion City iqubisana neBay Eagles, ngentsimbi yeshumi elinesibini (12h00) emini emaqanda iNgwe Stars FC idlala neDema Dev FC.
KwangoMgqibelo njalo ukutsho oko namhlanje kumabala iNU9 kwakwisigaba sokuqala (1) kuqubisana iJuventus FC neRamaphosa FC ngentsimbi yethoba (09h00) kusasa kwaye umdlalo sowuqalile, ize yona iSeven Sundowns FC idlale neShining Stars FC ngecala emva kwentsimbi yeshumi (10 h30) ngoku kusasa.
Nantsi imidlalo yePremier ligi namhlanje kumabala aseNU11 phantsi kweMOSA, ngecala emva kwentsimbi yokuqala (13h30) emva kwemini iM.S.E.FC idlala neShining Stars FC, ngentsimbi yesithathu (15h00) emva kwemini iLion City idlala neYoung Ideas.
Kwanamhlanje njalo kwiPremier ligi kumabala aseNU9, ngentsimbi yeshumi elinesibini (12h00) emini emaqanda iBlack Vultures ithathana neRoyal Bucs, ngecala emva kwentsimbi yokuqala (13h30) iValencia idlale neYoung Romans, ngentsimbi yesithathu (15h00) emva kwemini kuqubisane iYoung Madrid neManchester United.
Lena yimidlalo yangeCawa ngomso umhla wamashumi amabini anesithathu (23) kulenyanga kwisigaba sokuqala (1) phantsi kweMOSA kumabala aseNU11. I-Ingwe Stars yona idlala neLion City ngentsimbi yethoba (09h00) kusasa ize iLiverpool idlale neBay Eagles ngecala emva kwentsimbi yeshumi (10h30) kusasa.
Kwakwisigaba sokuqala (1) kumabala iNU9 ngeCawa ngomso ukutsho oko ngentsimbi yethoba (09h00) kusasa iShining Stars iqubisana neCamper United, kuze ngecala emva kwentsimbi yeshumi (10h30) kusasa iJuventus idlale neDemo Dev FC.
Imidlalo yePremier ligi yangeCawa ngomso njalo kumabala aseNU11 iRoyal Bucs idlala neYoung Romans ngentsimbi yeshumi elinesibini (12h00) emini emaqanda, ngecala emva kwentsimbi yokuqala (13h30) kudlale iValencia neM.S.E. FC, kudlale IYoung Madrid neChannel Porto ngentsimbi yesithathu (15h00) emva kwemini.
Kumabala ase NU9 ngeCawa kwangomso njalo kuPremier ligi kudlala iBisho Stars neArsenal FC, ngentsimbi yeshumi elinesibini emini emaqanda, iTomorrow Stars iqubisane neShining Stars ngecala emva kwentsimbi yokuqala, ngentsimbi yesithathu kudlale iBlack Vultures ne-Eleven Stars FC.
By Siphiwo Boqwana