Amapolisa eNtshona Koloni abambe owasetyhini nendoda ephakathi kweminyaka engamashumi amathathu (30) ukuya kumashumi amane (40) malunga nokubulawa komdlali weqonga i“Noem my skollie” uDavid Manuel kunye nomhlobo wakhe.
La madoda mabini adutyulwa eGugulethu eCape Flats kwinyanga ephelileyo.
Isithethi samapolisa uWesley Twigg uthi uphando lubonisa ukuba imigaqo-nkqubo yeinshorensi yobomi ethatyathwe ngamalungu osapho isesona sizathu sokubulala.
U-Twigg uthi, abecuphi bePhondo loLwaphulo-mthetho oluNgqongileyo noBundlobongela baqale ngophando olunzulu ngeemeko zokubulala. Uphando lubonise ii-inshorensi zobomi ezathathwa ngamalungu osapho egameni likaManuel, nto leyo efunyaniswe njengeyona njongo inokwenza ukuba babulale.
Abarhanelwa bazakuvela kwiNkundla kaMantyi yase-Athlone ngezityholo zokubulala nobuqhophololo ngoLwesine, umhla weshumi elinesine kweyeNkanga 2024.