UMongikazi oneminyaka engamashumi amane anesibhozo ubudala ubanjiwe ngezityholo zokubulala umsebenzi wakhe wasendlini onamashumi amabini ananye (21) ngenjongo zokuzuza isixa mali esi zizigidi ezintandathu zeerandi (R6 million). le-inshorensi yobomi.
Le nkosikazi, engenakuchazwa igama layo de ivele enkundleni, kutyholwa ukuba yathatha ii-inshorensi zobomi ezintathu zikaBusiswa Nxumalo kwiinkampani ezintathu ezohlukeneyo – iStangen Life, Outsurance, neKing Price.
Ezi polisi zinexabiso elidityanisiweyo le-R6 yezigidi.
Ngokwengxelo lephepha-ndaba iNews24 lo mongikazi ubanjwe ngentseni yangoLwesithathu umhla weshumi elinesibini kweyeSilimela 2024, kwikhaya lakhe eVosloorus.
Lo mongikazi kutyholwa ukuba wabulala uNxumalo kwikhaya lakhe langaphambili eLenasia South ngoJanuwari ka-2022.
Umzimba kaNxumalo ufunyenwe unqunyulwe umqala kwindawo yokulahla inkunkuma eLenasia South, kumganyana ongephi ukusuka kwikhaya lalo mongikazi wangaphambili.
Amapolisa akholelwa ukuba wakhupha iipolisi ezintathu ze-life cover kwiinyanga ezisixhenxe emva kokuba efune uNxumalo wakwaNomgoma, KwaZulu-Natal, ukuba amsebenzele njengomsebenzi wasekhaya.
Ngokwale migaqo-nkqubo yobomi, umongikazi angalindela intlawulo ye-R6 yezigidi zeerandi ukuba uNxumalo ubhubhe ngenxa yezizathu ezingezizo ezendalo.
Iipolisi ziye zanqunyanyiswa emva kokuba iinkampani zeinshorensi zithe zaqaphela ukuba zifunyenwe ngobuqhophololo.
Lo mongikazi ophuma KwaHlabisa, kumantla eKwaZulu-Natal, kulindeleke ukuba avele enkundleni kungekudala, ejongene nezityholo zokubulala kunye nobuqhophololo be-inshorensi.
By Siyakholwa Vuso.