Amapolisa aseMpuma Koloni akhangela ityendyana lomfana angamashumi amane eminyaka ubudala akholelwa ukuba lingawancedisa ekusombululeni ukubulawa kwabantu abathathu kwisikolo sokwaluka ekuqaleni kwale nyanga.
Isithethi samapolisa ephondweni, uWarrant Officer Majola Nkohli, uthi bacela uncedo kuluntu ngokukhangela uZibekile Nkata athi angancedisa kuphando.
Ngomhla wesihlanu kweyoMnga Kwavulwa ngemvula yeembumbulu kwabazalanayo abane kwisikolo sokwaluka eNgqamakhwe, ze kwasweleka abantakwe abathathu kwangxwelerha owesine.
UNkohli uthi nabani na onokuthi uyayazi indawo kaNkata kufuneka aqhagamshelane nesikhululo samapolisa esikufutshane okanye kwinombolo yokuyeka ulwaphulo-mthetho.
Kwingxelo yangaphambili, Amapolisa athe abathathu, ababini kubo abangabakhwetha, babulawa ngelixa owesine wangxwelerheka kudubulo ngomhla wesi-5 kuDisemba.
Esi sehlo senzeke kwingingqi yaseNgcwazi.
Amapolisa acela nabani na onokuthi ancede apho akhoyo uNkata atsalele umcuphi ophambili ku079 408 9104 okanye uCrime Stop ku08600 10111.