Nangona imo yezulu ingazinzanga, imidlalo yona yeligi eMotherwell Football Association iyaqhubekeka ngomso umhla wesibhozo (08) kwinyanga yeSilimela 2024.
Kumabala iNU-11 eMotherwell, shinning Stars izakuqubisana neLiverpool ngentsimbi yethoba (09h00) kusasa kwibakala lokuqala. ICamper United yona idlale neDema Dev ngecala emva kwentsimbi yeshumi (10h30) kusasa kwibakala lesibini. IArsenal idlala neEleven Stars ngentsimbi yeshumi elinesibini (12h00) emini maqanda kwibakala lePremier, iM.S.E. FC izakuthathana neYoung Madrid FC ngecala emva kwentsimbi yokuqala (13h30) emva kwemini kwakuPremier.
IYoung Romans izakudlala neShining Stars ngentsimbi yesithathu (15h00) emva kwemini kuPremier ligi, iTomorrow Stars idlala neRamaphosa FC ngentsimbi yethoba (09h00) kusasa kwibakala lokuqala leligi.
I-AmaXhosa neLion City bazakudlala ngecala emva kwentsimbi yeshumi (10h30) kusasa kwakwibakala lokuqala leligi, iSeven Sundowns neIngwe Stars zidlala ngentsimbi yeshumi elinesibini (12h00) emini maqanda kwisigaba sokuqala seligi.
Ngecala emva kwentsimbi yokuqala (13h30) emva kwemini kuqala kwakhona ezikwisigaba sePremier nalapho iYoung Ideas izakube iqubisana neYoung Bucs, yona iTomorrow Stars idlale neValencia ngentsimbi yesithathu (15h00) emva kwemini.
ILion City izakuthathana neBlack Vultures ngecala emva kwentsimbi yesine (16h30) emva kwemini kuPremier ligi, ze iFC Angels neChannel Porto ziqubisane kwakuPremier ngentsimbi yesithandathu (18h00) malanga kumdlalo wokugqibela ngomso.
By Siphiwo Boqwana