Ummi waseTshayina, oxhwilwe ngaphandle kwendawo asebenza kuyo e-Uitenhage, eKariega eMpuma Koloni, uhlangulwe kwiphulo lemisebenzi yogcino-mthetho ngokuhlwa kwangoLwesibini,umhla weshumi elinesithandathu kuTshazimpuzi 2024.
ULu Xian, 43, waxhwilwa ngomhla weshumi 10 kuTshazimpuzi, malunga nemizuzu engamashumi amane emveni kweintsimbi yesihlanu malanga (5.40pm) ngelixa wayephuma emsebenzini wakhe kudederhu lwevenkile lwase-Tinarha..
Kutyholwa ukuba wanyanzelwa ukuba angene kwiveni emhlophe ye-Isuzu double cab yaze i-minibus yakwaXian yakwaVW Crafter yaqhutywa ngomnye wabarhanelwa.
Isithethi secandelo loPhando loLwaphulo-mthetho oluPhambili ephondweni (olwaziwa njengeeHawks), uKapteni Yolisa Mgolodela uthe iqela elikhulu lamagosa omthetho liqhube iphulo ngokubambisana.
Lo msebenzi ubuqhutywa liqela leeHawks eliphanda ngolwaphulomthetho olucwangcisiweyo looKhetshe abazinze eGqeberha lisebenzisana neGqeberha Crime Intelligence (GCI), amalungu eProvincial Local Record Records (LCRC), iQela lokuThethathethwano ngeHostage (HNT) kunye namalungu eFlying Squad.
By Siyakholwa Vuso.